PRAVACHAN SARODDHAR @ 09:00PM, TUE-THU-SAT

પ્રકરણગ્રંથોમાં પ્રવચનસારોદ્ધારનું સ્થાન મોખરે છે. અનેક ગ્રંથોમાં પ્રવચનસારોદ્ધારની સાક્ષીઓ આપવામાં આવી. છે.

મૂળ ગ્રંથ પ્રવચનસરોદ્ધાર ના રચયિતા આચાર્ય પ્રવરશ્રી નેમિચન્દ્રસૂરીજી મ. વડગચ્છમાં વિક્રમના બારમા-તેરમાં શતકમાં થયા છે.

કુમારપાળના શાસનકાળ દરમિયાન ધોળકામાં વિ.સં 1216માં તેઓશ્રીએ પ્રાકૃતભાષામાં 12 હજાર શ્ર્લોક પ્રમાણ શ્રી અનન્તજિનચરિતની રચના કરી છે.

જગત જીવ અને કર્મની આ અનાદિ ત્રિપુટીનાં જ્ઞાન માટે આપણે સંસારનાં સ્વરૂપને જાણવું પડશે.

સંસારમાં રહેલા પદાર્થો- દ્રવ્યોનો વિચાર કરવો પડશે એ બધું શું છે…….?

એ જાણવા માટે જ જ્ઞાનીભગવંતોએ આગમોમાંથી પ્રકરણરૂપે  પદાર્થોને બતાવ્યા, તેમાં જુદા જુદા પ્રકરણકારોની સ્મૃતિની સાથો-સાથ “પ્રવચન સારોદ્ધાર”  નાં શ્રી નેમિચન્દ્રસૂરીશ્વરજી મ.સા. તથા ટીકાકાર શ્રી સિદ્ધસેનસૂરીશ્વરજી મ.સા. ની સ્મૃતિ પણ થયા વિના નથી રહેતી. તે પૂજ્યોએ જૈનદ્રષ્ટિએ ત્રણ લોક કાળ-દ્રવ્ય-ગુણ પર્યાય વિગેરેની છણાવટ કરતા. આગમ પાઠો-સાક્ષીપાઠોથી ભરપૂર, 276 દ્વારો દ્વારા એકદમ રસદાર એવા ગ્રંથની રચના કરીને આપણા ઉપર અનહદ ઉપકાર કર્યો છે.